[Resumo] As técnicas acústicas son as ferramentas adoitadas para o estudio dos fondos mariños na zona costeira somerxida, debido á súa capacidade de penetración na columna de auga, moito maior que a da luz. Sen embargo, inda contan con inconvenientes importantes para o seu uso xeneralizado: i) custe elevado, ii) falta de metodoloxías abertas e iii) formación específica necesaria. Achegar as técnicas acústicas ós usuarios require: empregar equipos económicos, definir metodoloxías abertas que non dependan do software comercial e facer un esforzo por desmitificar estas técnicas, facendo os coñecementos físicos alcanzables.Seguindo esta motivación, preséntanse catro aplicacións ó estudio dos hábitats bentónicos da zona costeira: cálculo de batimetrías empregando sondas monohaz e información cartográfica dixital, clasificación de hábitats bentónicos que aproveita os beneficios dunha corrección física dos datos, estimación das estruturas vexetais situadas sobre o fondo empregando un sónar de barrido lateral orientado verticalmente, e cartografado de bancos de bivalvos endobentónicos empregando unha sonda de haz partido.Todas estas aplicacións empregan equipos de baixo custe (ou con baixos custes previsibles nun futuro próximo) e software libre desenvolvido para analizar os datos acústicos, o que aporta versatilidade e transparencia ás metodoloxías, facilitando o acceso de tódolos usuarios a estas ferramentas.
展开▼